STATİSTİKA |
Onlayn: 1 Qonaqlar: 1 İstifadəçilər: 0 |
|
Главная » 2010 » May » 21 » “İncəsənət tariximizin pillələri”
17:10 “İncəsənət tariximizin pillələri” |
Muzey Mərkəzində bu mövzuda sərgi
açıldı Mayın 19-da Muzey Mərkəzinin Sərgi
Qalereyasında "İncəsənət tariximizin pillələri” mövzusunda sərgi açıldı.
Tədbirdə çıxış edən mədəniyyət və turizm nazirinin müavini Ədalət
Vəliyev sərginin əhəmiyyətindən, Azərbaycan rəssamlıq məktəbinin zəngin
ənənələrindən, rəssamlıq sənətinin tarixini yaradan sənətkarlar haqqında
danışdı: «XX əsr Azərbaycan incəsənət tarixi bir neçə mərhələ ilə
müəyyənləşir. Ötən əsrin əvvəllərindən 1940-cı ilə qədərki dövrdə
Azərbaycan təsviri sənətində əsaslı dəyişikliklər baş verib, yeniliklər
meydana gəlib. Bu dövrdə Bakıda Rəssamlıq Məktəbi yaranıb, həmin
məktəbin yetirmələri olan bir çox Azərbaycan rəssamları keçmiş SSRİ-nin
nüfuzlu ali rəssamlIıq məktəblərini müvəffəqiyyətlə bitirərək vətənə
qayıdıb və incəsənət xəzinəmizə töhfələr veriblər». Nazir müavini
ötən əsrin əvvəllərində yaşayıb-yaratmış rəssamların yaradıcılığında
yeni dövr sənətkarlarının faydalanması üçün çox cəhətlərin olduğunu
diqqətə çatdırdı: «İncəsənət tariximizdə önəmli səhifə olan
müharibəyəqədərki dövrdə yaradılmış əsərlərin tamaşaçılara, xüsusən də
gənclərə təqdim olunması və tanınmış rəssamlarımızın yaradıcılığının
təbliği məqsədilə nümayiş etdirilən sərgi həm də yeni nəslə bir
nümunədir». Əməkdar incəsənət xadimi, sənətşünas Ziyadxan Əliyev
isə öz çıxışında XX əsr Azərbaycan incəsənəti tarixinin mərhələlərindən,
1940-cı ilə qədər olan dövrdə təsviri sənətimizdə baş verən əsaslı
dəyişikliklərdən, yeniliklərdən söz açdı: «Həmin dövrdə yaradılmış
incəsənət əsərləri xalqımızın yaşadığı tarixi dövrün xüsusiyyətlərini
özünəməxsus şəkildə nümayiş etdirir». Sonra sərgiyə baxış
keçirildi. Sərgidə Bəhruz Kəngərli, Əzim Əzimzadə, Reyhan Topçubaşova,
Salam Salamzadə, Rüstəm Mustafayev, Böyükağa Mirzəzadə, Fuad
Əbdürrəhmanov və digər tanınmış fırça və tişə ustalarının rəngkarlıq,
qrafika və heykəltəraşlıq əsərləri nümayiş etdirilirdi. Sərgi
mayın 24-dək davam edəcək.
|
Просмотров: 2735 |
Добавил: Esra
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
Facebook |
|
|