ADRA

Jurnalist

Elvin — Sat, 05 Feb 2011 07:22:03 GMT

ADRA-nin sehifesine daima xeber yerleshdirmek ucun jurnalist axtarilir. Isteyen kes komment yazsin. Onunla elaqe saxlanilacaq.

Səttar Bəhlulzadəyə həsr olunan “Sonuncu dərviş” bədii filminin nümayişi keçirilib

Elvin — Wed, 15 Sep 2010 20:06:15 GMT

14 sentyabr Kinematoqrafçılar İttifaqında kinorejissor, əməkdar incəsənət xadimi Ələkbər Muradovun xalq rəssamı Səttar Bəhlulzadəyə həsr etdiyi "Sonuncu dərviş” bədii filminin nümayişi keçirilib. SİA-nın məlumatına görə, nümayişi açıq elan edən Azərbaycan Dövlət Film Fondunun rəhbəri, əməkdar incəsənət xadimi Cəmil Quliyev bildirib: "Bu film İctimai Televiziyanın nəzdində olan Carçı film studiyasının ilk işlərindən biri kimi olub. İsmayıl Ömərov bu ssenarini qəbul edərək filmin ərsəyə gəlməsində əvəzsiz rol oynayıb. Bu film Səttar Bəhlulzadənin 100 illik yubileyi zamanı çəkilib”.

"Səttar forma və daxilcə elə bir unikal, heç bir insana bənzəməyən xasiyyətə malik idi ki, onun haqqında hansısa fikirləri söyləmək həqiqətəndə çox çətindir. Uşaqlıqda öz işlərimi ilk olaraq ona göstərirdim və məni hər zaman pərvazlandıran o olub. S.Bəhlulzadə atamla bir sinifdə oxuyub. O hətta mənim ilk sərgimdə iştirak edib. Onu da qeyd edim ki, Azərbaycanda rəssam haqqında hələ film çəkilməyib. Çünki Səttar haqqında çox az materiall olub. Bütün rəssamların həyatı onun həta kimi çox çətin keçib. Buna görə də belə bir filmin çəkilməsi vacib idi. Məni narahat edən əsas məsələ Səttar obrazına kimin uyğun olması idi. Əvvəlcə hindlərdən çəkmək istəyirdim. Hətta bunu sınaqdan da keçirmişdim. Lakin daha sonra Hüseyn adlı bir cavanı çəkdim. Hesab edirəm ki, bu gənc rəssamın oxşarı idi”-deyə əlavə edib.

Filmin çox az bir vaxtda ərsəyə gəldiyini deyən Ələkbər Muradov bildirib ki, film artıq keçən ilin sentyabr ayında hazır idi. Ancaq qeyri-formal olaraq Fransada nümayiş olunub. Bu sırf bir rəssam haqqında olan filmdir: "Baxmayaraq ki, bu film çox "yox" cavabı eşidib. Ancaq bütün iradlara baxmayaraq bu filmi ərsəyə gətirə bildik. Səttarı istəyən çox idi, ancaq "hə" deyən yox idi. Hətta belə bir fikir var idi ki, Səttar haqqında film lazım deyil, çünki o bizim müasirimizdir”.

Məlumat üçün bildirək ki, filmin ssenaristi və rejissoru əməkdar incəsənət xadimi Ələkbər Muradov, quruluşçu rəssamı Rəssamlar İttifaqının katibi, xalq rəssamı Ağaəli İbrahimov, ikinci rejissor Murad Muradov və Olqa Şabanova, operatoru Manaf Süleymanov, prodüsseri Faiq Güləhmədovdur. Film 1 saat 30 dəqiqədir. Filmdə 46 obraz var.

“Rəssam və karikatura” kitabı çapa hazırlanır

Elvin — Fri, 10 Sep 2010 20:31:47 GMT

Azərbaycan karikatura sənətinin banisi, Xalq rəssamı Əzim Əzimzadənin 130 illik yubileyi münasibətilə "Rəssam və karikatura” kitabı çapa hazırlanır. Kitabın müəllifi Azərbaycan Karikaturaçı Rəssamlar Birliyinin sədri, Əməkdar incəsənət xadimi Bayram Hacızadədir.
B.Hacızadə bildirib ki, Əzim Əzimzadə yaradıcılığını tam şəkildə əhatə edən kitab Azərbaycan və ingilis dillərində nəşr olunacaq. Kitabda rəssamın vaxtilə müxtəlif mətbu orqanlarda dərc edilən, bu günədək heç yerdə nümayiş olunmayan karikaturaları da yer alacaq. Bu karikaturalar Əzim Əzimzadənin ev-muzeyindən və digər arxivlərdən əldə olunub. 2010-cu ilin sonunda kitabın təqdimat mərasiminin keçirilməsi nəzərdə tutulub.

Kanadada Ömər Eldarovun əsərlərinin fotoşəkillərindən ibarət sərgi açılıb

Elvin — Fri, 27 Aug 2010 19:24:39 GMT

  Sərgi Heydər Əliyev Fondunun dəstəyi ilə təşkil olunub

   Kanadanın Toronto və Niaqara şəhərlərində keçirilən Azərbaycan Mədəniyyəti Günləri çərçivəsində məşhur heykəltəraş, akademik Ömər Eldarovun əsərlərinin fotoşəkillərindən ibarət sərgi açılıb.

   Sərgi Heydər Əliyev Fondu, Beynəlxalq Niaqara musiqi festivalı və Kanada Türk Dostluq Cəmiyyətinin dəstəyi ilə təşkil edilib.
   Torontoda "Ümumi sülh naminə mədəniyyətlərin dialoqu” beynəlxalq layihəsi çərçivəsində Ömər Eldarovun əsərlərinin fotoşəkillərindən təşkil edilmiş sərgi böyük maraqla qarşılanıb. Sərgidə türk dünyasının iki böyük lideri - Heydər Əliyevin və Mustafa Kamal Atatürkün, musiqi sənətimizin korifeyləri Üzeyir Hacıbəylinin, Fikrət Əmirovun, habelə Füzulinin, Hüseyn Cavidin, Səttar Bəhlulzadənin heykəllərinin fotoşəkilləri nümayiş etdirilib.
   Sərginin təşkilatçılarına minnətdarlığını bildirən Ömər Eldarov vurğulayıb ki, burada əsərlərimin çox az, lakin yaradıcılıq bioqrafiyam üçün olduqca əhəmiyyətli hissəsi sərgilənir. Sərgidə Heydər Əliyevin, Atatürkün və bizim digər dahi həmvətənlərimizin obrazları var. Sərginin keçirilməsi Heydər Əliyev Fondunun dəstəyi ilə mümkün olub. Bu təşəbbüsə minnətdarlıq əlaməti olaraq sərgidə Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri, milli musiqimizin dünyada tanıdılmasında əvəzsiz xidmətləri olan Mehriban Əliyevanın da portreti yer alıb.
   Dünyanın bir çox görkəmli şəxsiyyətlərinin obrazlarını öz sənət əsərlərində əks etdirən Ömər Eldarov Toronto Beynəlxalq Mədəniyyətlərarası Dialoq İnstitutunun fəxri üzvü adına layiq görülüb.
   Kanadada Azərbaycan Mədəniyyəti Günləri avqustun 28-dək davam edəcək.

Təsviri və xalq dekorativ-tətbiqi sənətinə dövlət qayğısının təzahürü

Elvin — Wed, 25 Aug 2010 10:13:12 GMT

   Həvəskar rəssamların və tətbiqi sənət ustalarının iştirakı ilə regionlarda keçirilən sərgi-seminarlar uğurla yekunlaşıb

   Bədii yaradıcılığın və incəsənətin müxtəlif sahələrində - poeziya və musiqi, heykəltəraşlıq və memarlıq, miniatür və dekorativ-tətbiqi sənətlərdə misilsiz nailiyyətlər əldə edən Azərbaycan sənətkarları dünya mədəniyyəti xəzinəsini zənginləşdirən çoxlu şah əsərlər yaradıblar. Nadir memarlıq abidələri, əlvan koloriti, zəngin yaradıcılıq fantaziyası və misilsiz gözəlliyi ilə seçilən xovlu-xovsuz naxışlı və süjetli xalı və xalçalar, dulusçuluq nümunələri, bədii parça, zərgərlik, metal və keramika məmulatları Azərbaycan xalqının qədim yaradıcılıq irsinə malik olduğunu sübut edir.

   Orta əsr Azərbaycan təsviri sənətinə dünya şöhrəti qazandıran miniatür sənətimiz olub.
   Azərbaycan təsviri və dekorativ-tətbiqi sənəti Yaxın və Orta Şərq xalqlarının incəsənəti tarixinin ən maraqlı səhifələrindən birini təşkil edir. Bu sənət günümüzədək uğurlu inkişaf yolu keçib. Xalq dekorativ-tətbiqi sənət ustalarının yaratdıqları əl işləri qədim tariximizin yaddaşından silinməyən bədii nümunələr kimi əbədi qalaraq yaşayır.
   Ulu öndər Heydər Əliyev Azərbaycana rəhbərlik etdiyi dövrdə daim mədəniyyət və incəsənətimizin yüksəlişinə, tərəqqisinə xüsusi qayğı göstərib. Bu dövrdə həmçinin təsviri və xalq dekorativ-tətbiqi sənətinə verilən xüsusi diqqətin nəticəsində müntəzəm olaraq müxtəlif tədbirlər, həmçinin sərgilər keçirilirdi. Xalqımızın təsviri və dekorativ-tətbiqi sənətinə yönələn belə bir diqqət və qayğı həvəskarlıqdan peşəkarlığa doğru gedən təkmilləşməni sürətləndirir, habelə sərgilərin iştirakçıları arasında adlı-sanlı sənətkarların yetişməsi ilə nəticələnirdi.
   Mədəniyyət və incəsənətimizin inkişafına yüksək dövlət qayğısı bu gün də davam etməkdədir. Ölkə prezidentinin bu sahə ilə bağlı imzaladığı sərəncamlar, Heydər Əliyev Fondunun prezidenti, UNESCO və İSESCO-nun xoşməramlı səfiri, millət vəkili Mehriban xanım Əliyevanın bilavasitə mədəniyyətin, o cümlədən təsviri incəsənət və dekorativ-tətbiqi sənətin inkişafına göstərdiyi diqqət Azərbaycan xalqının milli-mədəni irsinin və mənəvi dəyərlərinin dünya miqyasında təsdiq edilməsinə yönəlib.
   Son vaxtlar respublikamızda keçirilən bir sıra sərgilər də paytaxtda və regionlarda yaşayıb-yaradan həvəskar sənətçilərin fəaliyyətini təşviq etmək, onların dəyərli əl işlərini ölkəmizdə və xaricdə təbliğ etmək məqsədi daşıyır. Bu il Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin təşkilatçılığı ilə regionlarda keçirilmiş və payızda Bakı şəhərində yekun vurulacaq «Həvəskar rəssamların və tətbiqi sənət ustalarının əsərləri» mövzusunda sərgi-seminarlar da həmin məqsədə xidmət edir.
   Qeyd etmək lazımdır ki, xalqın içərisindən istedadlı insanların, xüsusən gənc sənətçilərin üzə çıxarılmasına xidmət edən belə sərgi-seminarlar əvvəllər də uğurlu nəticələr verib. Hələ sovet dönəmində təşkil edilən bu növ kütləvi tədbirlərin sayəsində ixtisas təhsili almamış, ancaq bədii yaradıcılığa meyilli olan istedadlı şəxslərin, həvəskar sənətçilərin üzə çıxarılması, onlara metodiki tövsiyələrin verilməsi, axtarışlarının və fəaliyyətlərinin düzgün istiqamətləndirilərək qiymətləndirilməsi diqqət mərkəzində saxlanılıb. Bu mənada həvəskarlar arasında təsviri və dekorativ-tətbiqi sənətin inkişafı sahəsində Mədəniyyətşünaslıq üzrə Elmi-Metodiki Mərkəzin təşəbbüs və təşkilatçılığı həmişə mühüm rol oynayıb. Bu dövlət idarəsinin rəhbərliyilə keçirilən tədbirlərdə üzə çıxarılmış çoxlu sayda sənətçi və xalq tətbiqi sənət ustalarının arasından sonralar professional sənətə gələrək öz əsərləri ilə ölkədə və xaricdə tanınan sənətkarlar da olub.
   Həmin ənənə bu gün uğurla davam edir. Mədəniyyət və Turizm Nazirliyinin xalq yaradıcılığının mühüm tərkib hissəsi kimi həvəskar rəssamların və tətbiqi sənət ustalarının layiqli əsərlərinin üzə çıxarılması, təbliğ olunması və onların peşəkarlıq səviyyələrinin yüksəldilməsinə kömək göstərilməsi məqsədilə 2010-cu ilin payızında Bakı şəhərində «Həvəskar rəssamların və tətbiqi sənət ustalarının əsərlərindən ibarət sərgi-seminar» keçirilməsi barədə qərarı da bunun göstəricisidir. Ənənəyə sadiq qalaraq daim axtarışlarda olan Mədəniyyətşünaslıq üzrə Elmi-Metodiki Mərkəz sənətçiləri, həvəskar rəssamları, gəncləri yaradıcılığa yönəltmək istiqamətində məqsədyönlü fəaliyyətini bu sərgi-seminarın təşkilində də davam etdirir.
   Sərgi-seminarın Əsasnaməsinə uyğun olaraq əsərlərin nümayişi və seçimi əvvəlcə regionlarda keçirildi. 2010-cu il iyunun 16-18-də Cəlilabadda Lənkəran, Yardımlı, Masallı, Astara, Lerik, Neftçala, Biləsuvar rayonlarından müəlliflərin iştirakı ilə sərgilərin keçirilməsinə start verildi. Doqquz rayondan 65 müəllifin müxtəlif janrlar üzrə 170-ə qədər əsəri nümayiş etdirildi. Sərgidə fərqlənən həvəskar sənətçilər Mədəniyyətşünaslıq üzrə Elmi-Metodiki Mərkəzin «Fəxri fərman»ı ilə təltif olundu. Daha layiqli əsərlər Bakıda, respublika sərgisində nümayiş olunmaq üçün münsiflər tərəfindən seçildi.
   İyulun 6-8-də Balakən rayonunda sərgi-seminar davam etdi. Şəki, Qobustan, Şamaxı, İsmayıllı, Qəbələ, Oğuz, Qax, Zaqatala rayonlarından olan müəlliflərin iştirakı ilə ümumiyyətlə, 85 sənətçinin 309-a qədər əsəri nümayiş etdirildi. Sərgi-seminarda iştirak edən həvəskar rəssamlardan və xalq sənəti ustalarından 28 nəfərinə «Fəxri fərman» təqdim olundu.
   Sərgi-seminarın davamı iyulun 12-14-də Şabran şəhərində Xaçmaz, Xızı, Siyəzən, Qusar, Quba, Şabran rayonlarından olan sənətçilərin iştirakı ilə keçirildi. Sərgidə 27 sənətçinin 180-ə qədər əsəri nümayiş etdirildi. Altı rayondan gəlmiş sənətçinin 24 nəfərinə «Fəxri fərman» verildi. Müxtəlif janrlarda ən yaxşı əsərlərin müəllifləri Bakı şəhərində keçiriləcək yekun sərgisinə dəvət aldı.
   İyulun 26-28-də Gəncə şəhərində Mingəçevir, Göyçay, Ağdaş, Yevlax, Bərdə, Daşkəsən, Gədəbəy, Şəmkir, Xanlar, Tovuz, Ağstafa, Qazax, Kəlbəcər rayonlarından olan sənətçilərin iştirakı ilə növbəti sərgi-seminar keçirildi. Sərgi-seminarda 14 rayondan 37 sənətçinin 100-dən artıq əsəri nümayiş etdirilirdi ki, onların da 30 nəfərinə «Fəxri fərman» verildi. Gözəl sənət nümunələrinin respublika sərgisinə göndərilməsi qərara alındı.
   Nəhayət, avqustun 4-6-da Sumqayıt şəhərində keçirilən sonuncu regional sərgi-seminarda Bakı, Abşeron və Şuşanı təmsil edən tətbiqi və təsviri sənət əsərlərinin müəllifləri iştirak etdilər. 30-dək sənətçinin 100-ə yaxın əsərinin nümayiş olunduğu sərgi-seminarda fərqlənən sənətçilər Mədəniyyətşünaslıq üzrə Elmi-Metodiki Mərkəzin «Fəxri fərman»ı ilə təltif olundular. Seçilmiş əsərlər müəllifləri ilə birlikdə Respublika sərgisinə dəvət aldı.
   Ümumiyyətlə, 5 regionda keçirilmiş sərgi-seminarda müxtəlif janrlarda işləyən 350-ə yaxın sənətçi iştirak edib ki, onların da təxminən 2 min əsəri nümayiş olunub. Bu regional sərgilərdən payızda keçiriləcək respublika sərgisində nümayiş etdirilmək üçün 700-dən artıq sənət nümunəsi seçilib. Qədim milli yaradıcılıq adət-ənənələrimizdən bizə gəlib çatan təsviri və xalq dekorativ-tətbiqi sənət nümunələri tamaşaçılar tərəfindən böyük rəğbətlə qarşılanaraq yüksək qiymətləndirilib. Buna misal olaraq bir çox sənətçilərin adlarını çəkə bilərik: Gəncədən dəmir üzrə naxış açan usta Şaiq, Şəkidən şəbəkə ustası Tofiq, Şabrandan xalçaçı Həlimə, Şamaxıdan xalçaçı Tükəzban, Balakəndən musiqi alətləri ustası Aydın, Cəlilabaddan musiqi alətləri ustası Aydın və xalçaçı Bəhram, Xırdalandan rəssam Elçin... Bu siyahını daha da genişləndirmək olar. Tətbiqi və təsviri sənət həvəskarlarının yaratdıqları sənət əsərləri onların müəlliflərinin xalqımıza, elimizə olan məhəbbətlərinin bariz nümunəsidir.
   Respublika sərgisindən sonra ən layiqli əsərlərin Moskvada keçiriləcək sərgidə nümayiş etdirilməsi nəzərdə tutulub. Bütün bunlar təsviri və xalq dekorativ-tətbiqi sənətimizə dövlət qayğısının təzahürüdür.
   Mədəniyyətimizin hamisi Mehriban xanım Əliyevanın qeyd etdiyi kimi, kökünü qədim əsrlərdən, Qobustanın qayaüstü rəsmlərindən götürən Azərbaycan təsviri sənəti bu gün öz professional dəyəri və bədii tutumu baxımından dünyada ən yüksək yerə layiqdir. Bu bir daha öz növbəsində Azərbaycanın odlar yurdu, nur və işıq diyarı olmasının ən gözəl sübutudur.

Rəssamlarımızın əsərləri Almaniyada və Şimali Kiprdə sərgilənəcək

Elvin — Wed, 25 Aug 2010 10:11:32 GMT

Almaniyanın paytaxtı Berlində Azərbaycan rəssamlarının sərgisi təşkil olunacaq. Bu barədə Rəssamlar İttifaqı sədrinin müşaviri, Əməkdar rəssam Ənvər Qarayev məlumat verib. Onun sözlərinə görə, 15 azərbaycanlı rəssamın dekorativ-təsviri sənət janrında 40-dək əsəri almaniyalı sənətsevərlərə təqdim ediləcək. Sərgi oktyabr ayında keçiriləcək. Azərbaycanın gənc rəssamlarının əsərləri isə Şimali Kiprdə sərgilənəcək.
Ənvər Qarayevin sözlərinə görə, sərgi sentyabrın 2-dən 7-dək keçiriləcək. Sərgidə 20 gənc rəssamın müxtəlif janrlarda 60-a yaxın əsəri nümayiş etdiriləcək.

Brüggesdə Salvador Dalinin bir heykeli oğurlanıb !

Elvin — Sat, 21 Aug 2010 07:56:07 GMT

Belçikanın Brügges şəhərində Salvador Dalinin bir bürünc heykəli oğurlanmışdır. Cinayət 18 avqust , çərşəmbə günü törədilmişdir,, ancaq bu hadisəni yalnız 20 avqust biliblər. Bu heykəl Dali tərəfindən 1964 cü ildə yaradılıb və "La Femme aux tiroirs" yəni "Qutulu qadın"adlandırılıb. Çəkisi 10 kq-a yaxın olan bu heykəl 100.000 avro ilə qiymətləndirilir,lakin bu qiymət təstiq olunmamişdır.

Azərbaycan rəssamlarının avtoportretləri sərgidə nümayiş olunacaq

Elvin — Thu, 19 Aug 2010 07:54:03 GMT

Azərbaycan rəssamları bir-birindən maraqlı avtoportret əsərləri yaradıblar. Bu əsərlər keçirilən sərgilərdə qismən nümayiş etdirilsə də, onların böyük bir hissəsi uzun illər rəssamların emalatxanalarında saxlanılıb, sərgilərdə nümayiş etdirilməyib.

    Portret, mənzərə, tarixi, batal, natürmort və məişət janrlarında yaradılmış əsərlərə nisbətən avtoportretlər geniş ictimaiyyət nümayəndələrinə az təqdim edilib, respublikada ayrıca avtoportret sərgisi keçirilməyib.
   Qeyd edilənləri nəzərə alaraq, Azərbaycan rəssamlarının yaradıcılığının təbliği və avtoportret əsərlərinin geniş tamaşaçı auditoriyasına təqdim edilməsi məqsədilə Azərbaycanda ilk dəfə olaraq "Azərbaycan rəssamlarının avtoportretləri” adlı sərgi təşkil olunacaq.
   Sərgi sentyabrın 21-dən 25-dək Muzey Mərkəzində keçiriləcək. Qeyd edək ki, Azərbaycan rəssamlarının Dövlət Rəsm Qalereyası və Dövlət İncəsənət Muzeyində saxlanılan avtoportret əsərləri ilə yanaşı, sərgidə digər avtoportret əsərləri də nümayiş etdiriləcək.
   Sərgidə iştirak etmək istəyən rəssamlar öz avtoportret əsərlərini 2010-cu il sentyabr ayının 17-dək Muzey Mərkəzinə təqdim edə bilərlər.

Azərbaycan rəssamlarının avtoportretləri sərgidə nümayiş olunacaq

Elvin — Sat, 07 Aug 2010 13:37:14 GMT

    Portret, mənzərə, tarixi, batal, natürmort və məişət janrlarında yaradılmış əsərlərə nisbətən avtoportretlər geniş ictimaiyyət nümayəndələrinə az təqdim edilib, respublikada ayrıca avtoportret sərgisi keçirilməyib.
   Qeyd edilənləri nəzərə alaraq, Azərbaycan rəssamlarının yaradıcılığının təbliği və avtoportret əsərlərinin geniş tamaşaçı auditoriyasına təqdim edilməsi məqsədilə Azərbaycanda ilk dəfə olaraq "Azərbaycan rəssamlarının avtoportretləri” adlı sərgi təşkil olunacaq.
   Sərgi sentyabrın 21-dən 25-dək Muzey Mərkəzində keçiriləcək. Qeyd edək ki, Azərbaycan rəssamlarının Dövlət Rəsm Qalereyası və Dövlət İncəsənət Muzeyində saxlanılan avtoportret əsərləri ilə yanaşı, sərgidə digər avtoportret əsərləri də nümayiş etdiriləcək.
   Sərgidə iştirak etmək istəyən rəssamlar öz avtoportret əsərlərini 2010-cu il sentyabr ayının 17-dək Muzey Mərkəzinə təqdim edə bilərlər.

Əzim Əzimzadənin əsərlərindən ibarət toplu hazırlanır

Elvin — Sat, 07 Aug 2010 13:34:51 GMT

   Xalq rəssamı Əzim Əzimzadənin Bakıdakı ev-muzeyinin zəngin ekspozisiyası var.
   Üzeyir Hacıbəyli, Sidqi Ruhulla, Mirzə Cəlil kimi görkəmli şəxsiyyətlərin qonaq gəlib saatlarla söhbətləşdikləri bu mənzildə 3 mindən artıq eksponat qorunub saxlanılır. Bu eksponatların çoxu rəssamın yaxınları tərəfindən ev-muzeyə təqdim olunub.
   Əzim Əzimzadənin ev-muzeyindən bildiriblər ki, 1968-ci ildən fəaliyyət göstərən muzeydə bir sıra yeniliklər gözlənilir. Yaxın vaxtlarda buradakı əşyaların sırasına görkəmli rəssamın əsərlərindən ibarət yeni bir albom da əlavə olunacaqdır.
   Bu il həm də Azərbaycanın ilk Xalq rəssamı Əzim Əzimzadənin 130 illik yubileyinin qeyd edilməsi ilə yadda qalacaq. Əlamətdar yubileyə muzeyin töhfəsi isə rəssamın 3 mindən artıq əsərinin yer aldığı toplu olacaqdır. Albom Azərbaycan, rus və ingilis dillərində təqdim ediləcək. Ev-muzeydə əsaslı təmir işlərinin aparılması da gözlənilir.