STATİSTİKA |
Onlayn: 1 Qonaqlar: 1 İstifadəçilər: 0 |
|
Главная » 2010 » May » 8 » “Dahilərə ithaf” adlı sərgi açıldı
15:39 “Dahilərə ithaf” adlı sərgi açıldı |
Mədəniyyət və Turizm Nazirliyi, Lətif Kərimov adına Azərbaycan
Xalçası və Xalq Tətbiqi Sənəti Dövlət Muzeyinin birgə təşkilatçılığı ilə
mayın 7-də Eldar Mikayılzadənin "Dahilərə ithaf” adlı sərginin açılışı
olub.
Məlumatlara görə, tədbirdə Tahir Salahov,
Ömər Eldarov və digər tanınmış rəssamlar, sənət adamları iştirak edib.
Mədəniyyət və turizm nazirinin müavini Ədalət Vəliyev Eldar
Mikayılzadənin əsərlərini müasir xalça sənətinin ən gözəl nümunələri
kimi dəyərləndirib: "Eldar Mikayılzadə öz yaradıcılığı ilə Azərbaycan
xalçaçılığının timsalında tarix boyu rəmzlərlə və dekorativ stilizə ilə
məşhur olan xalçaçılığa fəlsəfi düşüncə gətirdi. Burada sərgilənə
əsərlər sırasında ulu öndərlə bağlı əsərlər də yer alıb. Heydər Əliyev
və Zərifə Əliyevanın təsvir olunduğu tabloda iki ruhun qovuşması ön
plana çəkilir. Heydər Əliyevin portreti olan xalçada Azərbaycanın hər
bölgəsindən bir dağ və tarixi abidənin təsviri verilib”.
Tahir Salahov bu sərginin açılışında iştirak etdiyi üçün çox şad
olduğunu bildirib: "Bizim emalatxanalarımız da yaxında yerləşir. Eldar
çox istedadlı rəssamdır. Mənim də "Dədə Qorqud” əsərimi xalçaya
köçürüb”.
Sənətşünas Ziyadxan Əliyev rəssamın yaradıcılıq məziyyətlərindən söhbət
açıb. Qeyd edib ki, Eldar Mikayılzadənin əsərləri dünyanın ən məşhur
muzeylərində sərgilənib: "Bu sərgidə 7 xalça nümayiş olunur. Amma
istərdim bundan da çox olsun. Mənim fikrimcə, Eldar Hüseynzadə özü
deməməlidir ki, mənim xalçamı alım”.
Sonda Eldar Mikayılzadə sərgi təşkilatçılarına öz təşəkkürünü bildirib:
"Sənət müştərəkdir. Yalnız müəllifə yox, həm də xalqa məxsusdur. Mən
xalqımdan razıyam”.
Qeyd edək ki, Eldar Mikayılzadə Əzim Əzimzadə adına Rəssamlıq məktəbini
və İncəsənət İnstitutunu bitirib. 1984-cü ildən xalçaçı-rəssam kimi
fəaliyyətə başlayıb. Müxtəlif illərdə London, Paris, İstanbul və
Brüsseldə fərdi sərgiləri keçirilib. Frakfurtda keçirilən sərgidə
"Yaranış” xalçası qızıl medala layiq görülüb. Əsərləri Rusiya, Böyük
Britaniya, Fransa, Türkiyə, Səudiyyə Ərəbistanı və Küveytdə şəxsi
kolleksiyalarda saxlanılır.
|
Просмотров: 2835 |
Добавил: Elvin
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]
|
|
Facebook |
|
|