| STATİSTİKA |
Onlayn: 1 Qonaqlar: 1 İstifadəçilər: 0 |
|
Главная » 2010 » May » 13 » “Azərbaybaycan İncəsənəti” ensiklopedik uşaq kitabının I cildinin təqdimatı keçiriləcək
20:29 “Azərbaybaycan İncəsənəti” ensiklopedik uşaq kitabının I cildinin təqdimatı keçiriləcək |
Mayın 14-də Azərbaycan Dövlət İncəsənət Muzeyində "Azərbaybaycan
İncəsənəti” uşaqlar üçün ensiklopedik məlumat kitabının I cildinin
təqdimat mərasimi keçiriləcək.Son məlumatlara görə, kitab Gənclər və
İdman Nazirliyinin maliyyə dəstəyi ilə "Bizim Nəsil” Gənclərin Regional
İnkişaf Assosiasiyası İctimai Birliyi tərəfindən həyata keçirilən
"Vətənimizi öyrənək” layihəsi çərçivəsində işıq üzü görüb.
Kitabda qədim tarixə və zəngin bədii ənənələrə malik olan Azərbaycan
incsənətinin təsviri sənəti, dekorativ tətbiqi sənəti və memarlığı
haqqında məlumatlar öz əksini tapıb. Uşaqlar üçün ensiklopediya
xarakteri daşıyan bu kitabda adları Azərbaycan incəsənəti tarixinə həkk
olunan görkəmli sənətkarlar, özünəməxsus bədii məziyyətə malik dünya
şöhrətli sənətkarlıq nümunələri haqqında yığcam məlumat verilir.
Kitabda incəsənətimizin tarixinə qızıl hərflərlə yazılan sənət inciləri
və onların müəllifləri barəsində kifayət qədər sadə və uşaq dili ilə
söhbət açılıb. Materiallar əsasən incəsənətin rəngkarlıq, qrafika,
heykəltaraşlıq, dekorativ-tətbiqi sənət və memarlıq sahələrini əhatə
edir. Kitaba ilk dəfə olaraq gənclər və uşaq yaradıcılığına həsr olunan
ayrıca bölmələr daxil edilib. Kitaba daxil edilən rəngli təsvir
materialları isə yazılanların əyani və dolğun qavranılmasına kömək edir.
Bu səpgili çap məhsulunun ölkəmizdə uşaqlar üçün hazırlanmadığını
nəzərə alsaq, kitabın əhəmiyyətini bir daha görmək mümkündür.
Məlumat üçün bildirək ki, kitab 2500 tirajla buraxılıb. Kitabın Bakıda
və regionlarda olan kitabxanalara və məktəblərə pulsuz olaraq paylanması
nəzərdə tutulub. Kitabın tərtibçiləri Azərbaycanın əməkdar incəsənət
xadimi Ziyadxan Əliyev və gənc sənətşünas Aslan Xəlilovdur.
Qeyd edək ki, yaxın gələcəkdə kitabın II və III cildləri də hazırlanaraq
nəşr olunacaq və geniş oxucu kütləsinə təqdim ediləcək.
|
|
Просмотров: 2741 |
Добавил: Elvin
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
| Facebook |
|
|
